ليش العجينة ما تنفش؟ أشهر الأخطاء اللي تخرب المخبوزات

ماهي اسباب عدم انتفاخ العجين ! 

فيه إحساس لا يوصف لما نشوف العجينة تنتفخ وتخبز صح، بس لما تبقى قاسية أو ما ترتفع؟ هنا تبدأ علامات الاستفهام ؟

خلينا نعرف أشهر الأسباب اللي تخلي العجينة ما تنفش، عشان نتفاداها من البداية:

1. الخميرة خربانة أو منتهية الصلاحية؛

إذا الخميرة قديمة أو تخزنت بمكان حار، تفقد مفعولها.

✅ الحل: دايم تأكدي من تاريخها، وجربيها أول (اخلطيها مع موية دافية وسكر، إذا ما صار فيها فقاعات خلال 10 دقايق؟ ارميها).

2. الموية حارة جدًا أو باردة جدًا؛

الخميرة تحتاج موية دافية (زي حرارة الجسم تقريبًا) لو كانت حارة مرة، تموت الخميرة. ولو كانت باردة، ما تشتغل.

3. عجينة قاسية أو ناشفة

إذا كانت العجينة يابسة أو فيها دقيق كثير، ما تنتفخ بسهولة لأن الخميرة تتعب في التخمير.

✅ العجينة لازم تكون طرية بس مو تلصق كثير.

4. ما خليتيها تتخمر وقت كافي

بعض الناس يستعجلون ويخبزون العجينة بسرعة! الخميرة تحتاج وقت عشان تنتج الغازات وتخلي العجينة تنتفخ.

⏰ اتركيها بمكان دافي، مغطّاة، من 45 دقيقة إلى ساعة حسب الجو.

5. الفرن بارد أو مفتوح

إذا دخلتي العجينة في فرن ما وصل درجة الحرارة المطلوبة، ما راح تنتفخ كويس.

✅ لازم يكون الفرن حار مسبقًا (حسب نوع الخبز، بس غالبًا 180-200°C).

نصيحة ذهبية:

لا تكثّرين ملح جنب الخميرة مباشرة، لأن الملح يبطئ مفعولها إذا انخلط معها مباشرة بدون دقيق.